Við færum bókhald fyrir einyrkja, félagasamtök, fyrirtæki og stofnanir af öllum stærðum og gerðum. Við tökum einnig að okkur afmarkaða þætti í bókhaldi, aðstoðum við afstemmingar og undirbúning fyrir uppgjör og leysum af í fjarveru starfsmanna.

Við sjáum um launavinnslu og öll skil sem henni tengjast og sendum rafræna launaseðla í netbanka. Við aðstoðum einnig við túlkun kjarasamninga, utanumhald um ýmiskonar réttindi og taxtahækkanir, vinnum gögn fyrir launakannanir og ýmiskonar greiningar á launakostnaði.

Við önnumst útgáfu reikninga, hvort sem um er að ræða staka reikninga eða fjöldaútsendingu, t.d. vegna húsaleigu, áskrifta eða félagsgjalda. Reikningar eru sendir rafrænt þegar þess er kostur og við sjáum um að stofna kröfur í netbanka sé þess óskað.

Við sjáum um innlendar og erlendar greiðslur í innlendum og erlendum netbönkum.

Við vinnum ársreikninga og skattframtöl fyrir einstaklinga, stofnanir og fyrirtæki. Við vinnum einnig milliuppgjör og stjórnendauppgjör og ýmiskonar greiningar og aðstoðum við áætlanagerð.

Fjárstoð býður upp á faglega þjónustu og ráðgjöf fyrir lítil og meðalstór fyrirtæki á sviði mannauðsmála. Ráðgjafar okkar hafa víðtæka reynslu og þekkingu á því sviði og þjónustan klæðskerasniðin að þörfum viðskiptavina hverju sinni.  Við veitum ráðgjöf og stuðning allt frá ráðningum eða starfslokum, gerð starfslýsinga og samningagerð, markþjálfun eða lausn ágreiningsmála auk mannauðsstjóra til leigu í lengri eða skemmri tíma