Greiðsludeild Fjárstoðar sér um þá þætti starfsemi fjármálasviða sem snýr að greiðslum, innheimtum og útgáfu reikninga. Deildin hefur á að skipa fjölhæfu starfsfólki með víðtæka reynslu og þekkingu á sínu sviði. Verkefni deildarinnar eru unnin í samvinnu við aðrar deildir Fjárstoðar og hagsmunir viðskiptavina hafðir að leiðarljósi. Mikil starfaaðgreining er eitt af gæðamarkmiðum Fjárstoðar. Starfsmenn greiðsludeildar koma aldrei með öðrum hætti að bókhaldi fyrirtækja enda slíkt ekki talið viðunandi í fyrirtækjum sem gera kröfur um gæði og áreiðanleika.